پاکستان کی پہلی پلاسٹک کی سڑک ری سائیکل شدہ پلاسٹک اور خواہشمند پارٹنرز کے اتحاد سے بنی ہے

#CleanGreenPakistan

[اسلام آباد، 6 دسمبر، 2021] اسلام آباد میں پاکستان کی پہلی پلاسٹک کی سڑک بنائی گئی ہے تا کہ اعلیٰ سطحی پیداوار میں استعمال کرنے کے لیے پلاسٹک کا قابل عمل حل تیار کیا جا سکے۔ اتاترک ایونیو پر ایک کلومیٹر سڑک کوکا کولا پاکستان کی کیپٹل ڈیولپمنٹ اتھارٹی اور نیشنل انکیوبیشن سینٹر کے اشتراک سے بنا ایک منصوبہ ہے۔ اس سڑک پر اس مقصد کے لیے جمع کی گئی تقریباً دس ٹن پلاسٹک کی بوتلیں استعمال کی گئیں اور یہ ملک بھر میں عمل درآمد کے لیے بطور ایک نمونہ ہے۔

کوکا کولا پاکستان اور افغانستان کے نائب صدر فہد اشرف نے کہا کہ، "یہ سڑک تمام پاکستانیوں، اور ان تمام لوگوں کی ہے جو ترقی کی چاہت رکھتے ہیں۔ ہم یہ جانتے ہوئے فخر اور عاجزی سے اگلے سال میں جا رہے ہیں کہ ہم نے ماحول کو بہتر بنانے کے لیے بہت معمولی کام کیا ہے۔"

پاکستانی حکومت کے صاف اور سرسبز ، قوم کے نظریے کے مطابق وزیر داخلہ شیخ رشید احمد نے بطور مہمان خصوصی سڑک کا باقاعدہ افتتاح کیا۔ انہوں نے کہا کہ، "وزیراعظم عمران خان نے ہمیں ایسے حل تلاش کرنے کا نظریہ دیا ہے جو عام آدمی کی خدمت کرتا ہے۔ مجھے یہ کہتے ہوئے خوشی ہو رہی ہے کہ یہ سڑک ان کے نظریہ کا حصہ ہے کیونکہ یہ ملازمتیں فراہم کرتی ہے، حکومت کی مرمت کے مد میں ہونیوالے اخراجات کو بچاتی ہے اور سب سے بڑھ کر ہمارے ماحول کی حفاظت کرتی ہے۔"

پلاسٹک کی سڑک ایک اچھا عالمی طرزعمل ہے اور کہا جاتا ہے کہ اس کی مدت عام سڑک کے مقابلے میں تقریباً دوگنی طویل ہے۔ بنیادی طور پر، اس منصوبے کا مقصد ماحول کی حفاظت کرنا ہے، لیکن اگر اسے دیہی علاقوں، شہری مراکز اور قومی شاہراہوں کی دوسری سڑکوں تک پھیلایا جائے تو ترقی اور ماحول دونوں پر بڑے پیمانے پر اثرات ہوں گے، نہ کہ صرف زیبائشی۔ نیشنل انکیوبیشن سینٹر کی سٹریٹجک قیادت کی نمائندگی کرتے ہوئے پرویز عباسی نے مزید کہا، "ہم نے کامیابی کے ساتھ ایک فارمولے کا مظاہرہ کیا ہے جو پاکستان کے لیے کارگرہے۔ ہمارا کام یہیں ختم نہیں ہوتا، بلکہ درحقیقت یہاں سے شروع ہوتا ہے۔ ہمیں اب اس بات کو یقینی بنانا چاہیے کہ وہ تمام پارٹنرز جو ایک بہتر کرہ ارض پر رہنے کے لیے کوشاں ہیں وہ اپنے حصے کا کام کرتے ہوئے اس عوامی و نجی اشتراک کی حمایت کریں۔"

کوڑے سے پاک دنیا کا، کوکا کولا کا عالمی نظریہ، جاری معیشت میں پلاسٹک کے فضلے کو دوبارہ متعارف کروانے پر زور دیتا ہے۔ کوکا کولا کے ایک بین الاقوامی وفد نے پاکستان کا دورہ کیا جس میں سینان سیم ساہن، نائب صدر پبلک افیئرز، سسٹین ایبلٹی اینڈ کمیونیکیشن، کوکا کولا یوریشیا اور مشرق وسطیٰ، اور صروت یلدرم، گروپ کارپوریٹ افیئرز ڈائریکٹر، کوکا کولا آئسیک (CCI)، کوکا کولا کمپنی کے پاکستان میں بوٹلنگ پارٹنر شامل تھے۔

افتتاح میں شرکت کرتے ہوئے سنان سیم ساہین نے کہا، "ماحولیاتی مسائل کے لیے اختراعی حل تلاش کرنے کے حوالے سے پاکستان کے فعال مؤقف کے ساتھ یہ مناسب تھا کہ ہم پہلی بار اس حل کو اسلام آباد میں ایک نظام کے طور پر اس تاریخی سڑک پر شروع کر رہے ہیں۔"

چیئرمین کیپیٹل ڈویلپمنٹ اتھارٹی (CDA) عامر علی احمد نے کہا: "پلاسٹک کی سڑک کا یہ منصوبہ کوکا کولا کمپنی کے ساتھ ہمارے مشترکہ استحکام کی مہم کے اندر جدت کے مستقبل کی منزلیں طے کرے گا۔ جو بات خاص طور پر دلچسپ ہے وہ یہ ہے کہ یہ ملک بھر میں اسے حقیقت بنانے کے امکانات کیسے کھولتا ہے۔"

اس تقریب کی میزبانی نامور ٹیلی ویژن اینکر اور صحافی جگن کاظم نے کی۔ تقریب میں معذوری کے حوالے سے سرگرم کارکن اور یو این ویمن پاکستان کی خیر سگالی کی سفیر منیبہ مزاری، اسلام آباد کو سرسبز بنانے کے لیے کام کرنے والے تحفظ پسند، صحافی اور WWF جیسی این جی اوز اور CORE نامی پیکیجنگ انڈسٹری الائنس کے پیکیجنگ کی صنعت کے نمائندے بھی موجود تھے۔

طلباء، جنگلات کے ماہرین، معذور افراد، ٹرانس کمیونٹیز کے ساتھ ساتھ نجی شعبے سے تعلق رکھنے والے رہنماؤں کی جانب سے ایک رسمی واک کا اہتمام کیا گیا۔

تکنیکی مقالہ یہاں دیکھا جا سکتا ہے: https://nicpakistan.pk/world-without-waste/

کوکا کولا کی کوڑے سے پاک دنیا کے متعلق مزید معلومات: https://www.coca-colacompany.com/faqs/what-is-world-without-waste

کوکا کولا کمپنی کے بارے میں:

کوکا کولا کمپنی (NYSE: KO) دنیا کی سب سے بڑی مکمل مشروبات کی کمپنی ہے جو 200 سے زائد ممالک میں 500 برانڈز لوگوں کو پیش کرتی ہے۔ کوکا کولا میں ہم دنیا کو مثبت مدد دینے کے متعلق سنجیدہ ہیں۔ یہ ہمارے مشروبات میں چینی کو کم کرنے اور ہر جگہ لوگوں کے لیے نئے اور مختلف مشروبات لانے سے شروع ہوتا ہے۔ اس کا مطلب یہ بھی ہے کہ ہمارے ماحولیاتی اثرات کو کم کرنے کے لیے مسلسل کام کرنا، اپنے ساتھیوں کے لیے فائدہ مند کیریئر بنانا، اور جہاں ہم کام کرتے ہیں وہاں معاشی مواقع لانا۔ مزید معلومات، ہمارے ڈیجیٹل میگزین کوکا کولا کا سفر www.coca-colacompany.com پر ملاحظہ کریں.

نیشنل انکیوبیشن سینٹر کے بارے میں:

NIC/TeamUp ایک اختراعی مرکز ہے، جس کی بنیاد 2016 میں صنعت کے معروف تجربہ کار زوہیر خالق اور پرویز عباسی نے رکھی تھی۔ اپنے آغاز سے اب تک اس نے صحت، تعلیم، زراعت، تعمیرات، فن ٹیک اور بہت سے دیگر شعبوں میں 250 سے زیادہ اسٹارٹ ایپس اور SMEs کے ساتھ کام کیا ہے۔ TeamUp نیشنل انکیوبیشن سینٹر کا مینیجنگ پارٹنر ہے جو ملک کا سب سے بڑا اور سرکردہ انکیوبیشن سینٹر ہے۔

مزید معلومات کے لیے ملاحظہ کریں: https://nicpakistan.pk/