Жақында шыққан бір зерттеуде құрамында қанты бар газдалған сусындар қан қысымын жоғарлатып, гипертензия тудырады деп жазылған. Осы рас па? Сіз бұған не дейсіз?

Біз үшін сусындарымыздың қауіпсіздігі өте маңызды. Сондықтан, біз осы мәселеге қатысты зерттеулердің жүргізілуіне мүдделіміз және оларды мұқият зерделейміз. Сарапшылардың айтуынша қан қысымының жоғарлау немесе гипертензия қаупін туғызатын факторлардың бірі – артық салмақ немесе семіздік. Калориясы көп тағамдарды, соның ішінде газдалған сусындарды шамадан тыс тұтыну салмақтың артуына, нәтижесінде қан қысымының көтерілуі немесе гипертензия қауіпінің жоғарлауына әкелуі мүмкін.

Салмақты тиімді басқарудың кілті үйлесімді өмір салтында. Барлық тағам және сусын түрлері сияқты калориялы газдалған сусындарды шамадан асырмай тұтыну қажет.

Біз кейбір адамдардың біздің сусындарымызды өте жақсы көретінін, бірақ тұтынатын калория көлемін азайтқысы келетінін білеміз. Сондықтан да біз өзіміздің тәтті, бірақ қанты мен калориясы төмендетілген, төмен немесе тіпті жоқ бірқатар сусындарымызды ұсынамыз, мысалы – Coca‑Cola Қантсыз. Сонымен қатар, дәл осы себептен біздің сусындарымыздың көбі кішігірім қаптамада ұсынылады. Адамдардың өздері мен жанұяларына қажеттісін таңдай алуы үшін біз міндетті түрде барлық сусындарымыздың құрамындағы калориялардың мөлшерін көрсетеміз.

Біз қан қысымының көтерілуі немесе гипертензия туралы толық ақпарат алғысы келетін адамдардың барлығына дәрігерден кеңес алуға кеңес береміз.