برەودانی کۆکاکۆلا بۆ یۆرۆی 2024' لە عێراق
ڕێسای فەرمی
کڕینی بەرهەمێکی تایبەتی نیشانکراو (وەک لە خوارەوە باسکراوە) پێویستە بۆ بەشداریکردن و بەدەستهێنانی خەڵات.
1. شایستەیی: ئۆفەری یۆرۆی 2024ی کۆکاکۆلا ("برەودان") تەنها بۆ دانیشتووانی یاسایی عێراق بەردەست دەبێت کە لەکاتی بەشداریکردندا تەمەنیان 14 ساڵ یان زیاتر بێت. کارمەندان و غەیرە کارمەندی کۆمپانیای هەناردەکردنی کۆکاکۆلا، لقی دوبەی، کۆمپانیای پڕکردنەوەی بوتڵی کۆکاکۆلا، و کۆمپانیا سەرەکییەکان، کۆمپانیا لاوەکییەکان، لقەکانیان، بریکارەکان و دابینکەری خەڵات و ئەو دەزگاییانەی بەشدارن لە پەرەپێدان یان جێبەجێکردنی ئەم برەودانەدا یان هەریەکێک لە کەرەستەکانی، و ئەندامی خێزانی نزیک (هاوسەر، دایکو باوک، خوشک و برا و منداڵ) و ئەندامانی ماڵی هەر کەسێک لەو جۆرە ناتوانن بەشداری بکەن. برەودانەکە پابەندە بە هەموو یاسا فیدراڵی و ویلایەت و ناوخۆییە کارپێکراوەکانەوە. برەودانەکە پێکدێت لە چانسی بردنەوەی سیستەمی سینەمایی ماڵ یان خەڵاتی تر لەلایەن هاوبەشەکانەوە.
2. سپۆنسەر: کۆمپانیای هەناردەکردنی کۆکاکۆلا، لقی دوبەی، باڵەخانەی Office Park، بلۆک B، نهۆمی چوارەم، Knowledge Village ، سندووقی پۆستەخانە 501738
کارگێڕ: تکایە زانیاری یەکەی پڕکردنەوەی بوتڵ داخڵ بکە.
3. ڕێککەوتن لەسەر ڕێسا فەرمییەکان: بە بەشداریکردن لە برەودانەکەدا، ئەوا کەسی بەشداربوو بە تەواوی و بەبێ مەرج ڕازی دەبێت بەم ڕێساییە فەرمییانە و قبوڵییان دەکات، لەوانەش هەر گۆڕانکارییەک، پێداچوونەوە و ڕاستکردنەوەییەک کە ئەنجام دەدرێت. بڕیارەکانی سپۆنسەر و کارگێڕ سەبارەت بە برەودان کۆتایین و پابەندکەرن. سەرەڕای ئەوەش، بەشداربووان پێویستە درک بەوە بکەن کە ئەم ڕێسا فەرمیانە دەکرێت جارجارە لەلایەن سپۆنسەر/کارگێڕەوە دەستکاری بکرێن بەبێ هیچ ئاگادارکردنەوەیەکی پێشوەختە لەڕێی بڵاوکردنەوەی مەرج و ڕێسای کارپێکراو لە ماڵپەڕی برەودانەکە. هەروەها سپۆنسەر/کارگێڕ مافی خۆیانە لە هەر قۆناغێکدا برەودانەکە هەڵبوەشێننەوە یان کۆتایی پێبهێنن بەبێ دیاریکردنی هیچ هۆکارێک. بەشداریکردن بە سەرکەوتوویی لە برەودان و بردنەوەی خەڵات بەپێی هەموو ئەو مەرجانە دەبێت کە لێرەدا باسکراون. مەرج و ڕێساکانی برەودان ("ڕێسا فەرمییەکان") لە ماڵپەڕی برەودانەکە بەردەستن www.CokeURL.com/cokepromoiraq.
4. ماوەی برەودانەکە: برەودانەکە لە 25ی نیسانی 2024 دەست پێدەکات و لە 15ی تەممووزی 2024 کۆتایی پێ دێت یان تاوەکو پشکەکان تەواو دەبن، کامیان زووتر ڕووبدات. سپۆنسەر دەتوانێت ماوەی برەودانەکە بگۆڕێت، درێژی بکاتەوە، کورتی بکاتەوە یان برەودانەکە بە تەواوی هەڵبوەشێنێتەوە، بەپێی نوێکارییەکان کە لەلایەن سپۆنسەر و/یان هەریەکێک کە لە نوێنەرەکانی لە ماڵپەڕی برەودانەکە بڵاودەکرێتەوە سەبارەت بە برەودانەکە.
5. چۆنیەتی بەشداریکردن:
a. کۆدەکە بدۆزەرەوە: لە ماوەی برەودانەکەدا، کۆدێک لەسەر بەرهەمەکانی برەودانی EURO2024ـی تایبەت بە "کۆکاکۆلا"، "فانتا" و "سپرایت" چاپ دەکرێت کە لە عێراق بەردەست دەبن بۆ کڕین و بەشداریکردن لەم برەودانەکەدا ("بەرهەمە تایبەت نیشانکراوەکان"). کاتێک هەریەکێک لە بەرهەمە تایبەتەکان دەکڕیت، کۆدەکە لە ڕێگەی نامەی واتسئەپەوە بۆ ژمارە 9647800688788 +بنێرە. کاتێک کۆدێک داخڵ دەکەیت، یەکێک لە خەڵاتەکان دەبەیتەوە و دەستبەجێ ئاگادار دەکرێیتەوە سەبارەت بەو خەڵاتەی کە بەدەستت هێناوە.
b. بەکارهێنانی کۆدەکانت: کۆدەکان تەنها بۆ یەک جار بەکارهێنان بەردەستن. دەتوانیت لە هەر کاتێکدا لە ماوەی برەودانەکەدا یەکێک یان زیاتر لە کۆدەکان داخڵ بکەیت و بەشداری بکەیت؛ بەڵام هەر کۆدێک تەنها جارێک دەکرێت بەکاربهێنرێت لە ماوەی برەودانەکەدا.
سنوور: چەندین بەشداربوو بۆییان نییە هەمان ژمارەی مۆبایل بەکاربهێنن. بەشداربوویەک دەتوانێت تەنها جارێک خەڵاتی پاڵەوان بباتەوە لە کاتی برەودانەکەدا. هەر هەوڵێک لەلایەن هەر بەشداربوویەکەوە بۆ بەدەستهێنانی زیاتر لە ژمارەی دیاریکراوی بەشداریکردنەکان بە بەکارهێنانی ژمارەی مۆبایل و ناسنامە و تۆمارکردن یان چوونەژوورەوەی چەند بارە و جیاواز یان هەر شێوازێکی تر، بەشدارییەکانی ئەو بەشداربووە هەڵدەوەشێندرێتەوە و لەوانەیە ئەو بەشداربووە لە بەشداریکردن دووربخرێتەوە. بەشداربوویەک دەتوانێت چەندین جار خەڵاتەکانی تر (جگە لە خەڵاتی پاڵەوان) بباتەوە. بەکارهێنانی هەر شێوازێکی چوونەژوورەوە/یاریکردنی ڕۆبۆتی، چەند بارە، ئۆتۆماتیکی، بەرنامە بۆ داڕێژراو، یان شێوازی هاوشێەوە (لەوانەش، بەڵام سنووردار نییە بە، خزمەتگوزارییەکانی چوونە ژوورەوەی تیروپشکەکان) هەموو بەشداریکردنەکان لەلایەن ئەو بەشداربووەوە هەڵدەوەشێندرێنەوە. لە ئەگەری ناکۆکی سەبارەت بە هەر بەشداریکردنێک، خاوەنی هەژماری ڕێگەپێدراوی ژمارەی مۆبایلی بەکارهاتوو بۆ چوونەژوورەوە بە بەشداربوو دادەنرێت. "هەڵگری ژمارەی مۆبایلی ڕێگەپێدراو" ئەو کەسەیە کە لەلایەن دابینکەری ئینتەرنێتەوە، یان لەلایەن دابینکەری خزمەتگوزاری ئۆنلاین یان لەلایەن ڕێکخراوێکی دیکە کە بەرپرسیارە لە دابینکردنی ژمارەی مۆبایل ئەوا ژمارەی مۆبایلی بۆ دابینکراوە. لەوانەیە داوا لە براوەی ئەگەری بکرێت بەڵگەی خاوەنداریەتی ژمارەی مۆبایلی ڕێگەپێدراو پێشکەش بکات.
6. هەموو براوە ئەگەرییەکانی خەڵات لەلایەن سپۆنسەر یان کارگێڕەوە پشتڕاست دەکرێنەوە، کە بڕیارەکانیان کۆتایین و پابەندکەرن سەبارەت بە هەموو بابەتەکانی برەودانەکە. بەشداربوو هیچ خەڵاتێک ناباتەوە تەنانەت ئەگەر بەشداربوو نامەیەکی بۆ بێت کە دەڵێت براوەیە، مەگەر و تا شایستەیی بەشداربوو، و براوەی ئەگەری پشتڕاستکرابێتەوە و بەشداربوو ئاگادارکرابێتەوە کە پشتڕاستکردنەوەکە ئەنجامدراوە. هەر بەشداریکردنێک کە دوای شکستی سیستەمی خەڵاتەکان بە هەر هۆکارێک وەربگیرێت، بە بەشدارییەکی ناتەواو دادەنرێت، پووچەڵ دەبێتەوە و وەرناگیرێت.
7. هەڵبژاردنی خەڵاتی برەودان و پشتڕاستکردنەوەی براوەی ئەگەری: براوەی ئەگەری دەبێت پابەندبێت بە هەموو مەرج و ڕێساکانی ئەم ڕێساییە فەرمیانە. بردنەوە بەندە بە جێبەجێکردنی هەموو مەرجەکان. سپۆنسەر یان کارگێڕ ڕێکخراوێکی دادوەری سەربەخۆییە کە بڕیارەکانی سەبارەت بە بەڕێوەبردن و کارپێکردنی برەودانەکە و هەڵبژاردنی براوەی ئەگەری سەبارەت بە هەموو بابەتەکانی برەودانەکە کۆتایی و پابەندکەرن. هەموو ئەو بەشداربووانەی کۆدێکی دروست بەکاردەهێنن، یەک خەڵاتی دڵنیاکەرەوە دەبەنەوە لەو خەڵاتانەی کە لە خوارەوە باسکراون، بەپێی ئەم مەرج و ڕێسایانە ئەوا زانیاری دەربارەی خەڵاتەکە دەستبەجێ لەگەڵ ناردنی کۆدەکە لە ڕێگەی نامەی واتسئەپەوە دەنێردرێت.
8. خەڵات:
هەر بەشداربوویەک لە برەودانەکەدا مافی بردنەوەی هەریەکێک لەم خەڵاتانەی خوارەوەی دەبێت :
i. سیستەمی سینەمای ماڵ (لەگەڵ سیستەمی دەنگی، تەلەفزیۆنی سامسۆنگ بە قەبارەی 75 ئینج، سەتڵی سەهۆڵ، تۆپی پێ، تیشێرت، ئامێری داپۆشین، قاپی قوڵ و بتڵکەرەوە، گەیاندن و دانان لە ناونیشانی ماڵی براوەکان).
ii. کۆدی داشکاندنی کەریم Careem کە داشکاندنی 25% پێشکەش دەکات بۆ یەک گەشت (زۆرترین بڕی داشکاندن 1,300 دیناری عێراقییە)
- هەر کۆدێکی داشکاندن تەنها لەو وڵاتەی کە ڕێکخراوە بەکاردێت.
- کۆدەکان داشکاندن دابین دەکەن کە تەنها بەکارهێنەرانی کەریم Careem Rides دەگرێتەوە.
- هەر کۆدێک بۆ ماوەی 2 هەفتە کارا دەبێت لە یەکەم بەکارهێنانەوە و تەنها بۆ یەک بەکارهێنەر.
- هەمان بەکارهێنەر دەتوانێت کۆدی بێهاوتای جیاواز بەکاربهێنێت.
iii. پاشبنەمای تایبەتی مۆبایلی تۆپی پێی کۆکاکۆلا
iv. خواردنەوە بەخۆراییەکان (330 مل قوتوو، 250 مل قوتوو) : کۆدی خواردنەوە گونجاوەکە لەژێر قەپاغی کردنەوە یان داخستنی قوتووی بەرهەمی تایبەتی نیشانەکراو چاپ دەکرێت و خواردنەوەکە دەتوانرێت لەو فرۆشگایەدا وەربگیردرێت کە بەکارهێنەر بەرهەمە سەرەکییەکەی لێ کڕیوە یان هەر فرۆشگایەکی دیکەی بەشداربوو بە ڕادەستکردنەوەی قەپاغی بچووکی کردنەوە یان داخستنی قوتووە ئەسڵیەکە ئەو خواردنەوەیە کە لەسەری نووسراوە. بەکارهێنەر دەتوانێت هەر بەرهەمێکی کۆکاکۆلا Original Taste، زیڕۆ کالۆری، سپرایت یان فانتا کە بە قەبارەی براوە بەردەستە وەک خواردنەوە بێبەرامبەرەکەی هەڵبژێرێت.
v. کۆبۆنی Talabat:
- یەک کۆبۆنی داواکردنی خۆراک کە زۆرترین بڕی 5,000 دیناری عێراقییە بۆ بەکارهێنەرانی ئێستای Talabat بۆ داواکاری داهاتوویان.
- سێ کۆبۆنی داواکردنی خۆراک کە هەریەکەیان زۆرترین بڕی 5000 دیناری عێراقییە بۆ بەکارهێنەرانی نوێی Talabat.
- هەموو کۆبۆنەکان بێهاوتان و بۆ ماوەی 7 ڕۆژ دوای وەرگرتنەوە کارا دەبن.
- هەمان بەکارهێنەر دەتوانێت کۆدی بێهاوتای جیاواز بەکاربهێنێت.
مەرجەکانی خەڵات و سنووردارکردنی خەڵات:
- پێویستە بەشداربوو دانیشتووی عێراق بێت و ئەگەر بەشداربوو لە بەرواری بەشداریکردنیەوە تەمەنی لە خوار 18 ساڵییەوە بێت، ئەوا پێویستی بە ڕەزامەندی نووسراوی دایکو باوکی و/یان سەرپەرشتیاری یاسایی دەبێت؛
- هیچ جێگرەوەیەک، ئاڵوگۆڕێک، یان گواستنەوەی خەڵات لەلایەن هیچ براوەیەکەوە نابێت ئەنجام بدرێت. سپۆنسەر/ کارگێڕ مافی خۆیەتی هەر خەڵاتێک بگۆڕێتەوە بە خەڵاتێک کە بەهای یەکسان یان زیاتری هەبێت. براوەکان بەرپرسیارن لە هەموو باج و خەرجییەکانی وەرگرتنی خەڵات و/یان بەکارهێنانیان. تەنها بۆ خەڵاتی پاڵەوان، براوە دەتوانێت خۆی خەڵاتەکە بگوازێتەوە و پابەند دەبێت بەو پێوەرانەی لەلایەن سپۆنسەر/کارگێڕەوە دانراون.
- خەڵاتی پاڵەوان : براوەیەک کە سیستەمی سینەمای ماڵ بباتەوە، بەڕوونی دان بەوەدا دەنێت و ڕازی دەبێت کە بردنەوەکەی پەیوەستە بە پیشاندانی بەڵگەنامەی یاسایی زیادە و وردەکاری ناونیشان.
9. بەکارهێنانی داتا: جگە لەو شوێنانەی کە ڕێگە پێنەدراون، بەشداریکردن لە برەودانەکەدا ڕەزامەندی بەشداربوو دەگرێتەوە بۆ سپۆنسەر و کارگێڕ و کەسانی دیاریکراو لەلایەن ئەوانەوە بۆ بەکارهێنانی ناوی بەشداربوو، زانیاری خەڵات، هاوشێوەیی، شار و ویلایەتی نیشتەجێبوون بۆ مەبەستی برەودان لە میدیا بەبێ ڕەچاوکردنی زیاتر. هەروەها سپۆنسەر، کارگێڕ و کەسانی دیاریکراو لەلایەن ئەوانەوە دەتوانن وردەکارییەکانی بەشداربوو بەکاربهێنن بۆ پەیوەندیکردن پێی بۆ مەبەستی هەر برەودانێک یان ئۆفەرێک لە داهاتوودا. بە چوونە ناو ئەم برەودانەوە، هەر بەشداربوویەک ڕەزامەندی نیشان دەدات کە پابەند دەبێت بە ئاگادارنامەی نهێنی و مەرج و ڕێساکانی بەردەست لە https://www.coca-cola.com/xf/en/legal/privacy-policyو https://cokeurl.com/iqpromorules یەک لە دوای یەک.
10. مەرجە گشتیەکان: لە ئەگەری ئەوەی کە کارپێکردن، ئاسایش، یان بەڕێوەبردنی برەودانەکە بە هەر شێوەیەک و بە هەر هۆکارێک تێکچووبێت، لەوانە، بەڵام، سنووردار نییە بە، ساختەکاری، شکستی تەکنیکی، چاککردنەوەی بەردەوامی بەرنامە بۆ داڕێژراو، ڤایرۆس یان کێشەیەکی تەکنیکی تر، سپۆنسەر دەتوانێت بە ئارەزووی خۆی، یان: (a) برەودانەکە ڕابگرێت بۆ چارەسەرکردنی کێشەکە، پاشان دەستبکاتەوە بە برەودانەکە بە شێوەیەک کە بە باشترین شێوە لەگەڵ تەواوی ئەم ڕێسا فەرمیانەدا بگونجێت؛ یان (b) هەڵوەشاندنەوەی برەودانەکە و پێدانی خەڵاتەکان بە تیروپشکێکی هەڕەمەکی لە نێوان هەموو ئەو بەشداربووانەی کە شایستەن و تا کاتی دروستبوونی کێشە وەرگیراون. سپۆنسەر بە مافی خۆی دەزانێت کە بە ئارەزووی خۆی بەشداریکردنی هەر تاکێک هەڵبوەشێنێتەوە کە بزانێت دەستکاری پرۆسەی چوونەژوورەوە یان بەڕێوەبردنی برەودانەکە دەکات یان پێشێلی ڕێسا فەرمییەکانی ئەم برەودانە یان هەر برەودانێکی تر دەکات، یان بە شێوەیەکی ناڕەوا یان بە شێوەیەکی تێکدەرانە. هەر هەوڵێک لەلایەن هەر کەسێکەوە بۆ تێکدانی کارکردنی یاسایی برەودانەکە لەوانەیە پێشێلکردنی یاسای تاوان و یاسای مەدەنی بێت، و، ئەگەر هەوڵێکی لەو شێوەیە بدرێت، سپۆنسەر بە مافی خۆی دەزانێت داوای قەرەبووی زیان لە هەر کەسێکی لەو جۆرە بکات تا ئەو ڕادەیەی کە یاسا ڕێگەی پێدەدات. شکستی سپۆنسەر لە سەپاندنی هەر مەرجێکی ئەم ڕێساییە فەرمیانە نابێتە هۆی دەستبەرداربوون لەم ڕێساییانە.
11. بڵاوکردنەوە و سنووردارکردنی بەرپرسیارێتی: جگە لەو شوێنانەی کە قەدەغەن، بە بەشداریکردن لە برەودانەکان، بەشداربووان ڕازین لەسەر بەرپرسیاریەتی نەخستنە سەر ئەستۆی کۆمپانیای کۆکاکۆلا، کۆمپانیای هەناردەکردنی کۆکاکۆلا- لقی دوبەی، کۆمپانیای پڕكردنەوەی بوتڵی کۆکاکۆلا، و کۆمپانیا سەرەکییەکان، کۆمپانیا لاوەکییەکان، لقەکانیان، و هاوبەشەکانی برەودان، هاوبەشەکانی خەڵات، بریکار و دەزگاکان، و ئەفسەران، بەڕێوەبەران و کارمەندەکانیان (“Released Parties”) سەبارەت بە هەر داواکارییەک یان هۆکارێکی کردەوە کە لە ئەنجامی بەشداریکردن لە برەودانەکەدا دێتە ئاراوە یان وەرگرتن یان بەکارهێنانی هەر خەڵاتێک، لەوانە، بەڵام سنووردار نییە بە، (a) دەستێوەردانی مرۆیی بێ مۆڵەت لە برەودانەکەدا؛ (b) هەڵەی تەکنیکی پەیوەست بە کۆمپیوتەر، سێرڤەر، دابینکەر، چاپکەر یان هێڵەکانی تەلەفۆن یان تۆڕ؛ (c) هەڵەکانی چاپکردن؛ (d) هەڵە لە بەڕێوەبردنی برەودان یان بەکارهێنانی تۆمارکردنەکان؛ (e) پۆستی درەنگ، ونبوو، یان نەگەیشتوو؛ (f) نەبەخشینی هیچ خەڵاتێک بەهۆی کۆتوبەندەکانی کۆڤید- 19 یان ڕوودانی هەر حاڵەتێکی لەناکاوی تەندروستی گشتی هاوشێوە؛ یان (g) برینداربوون یان زیانگەیاندن بە کەسانێک یان موڵک کە ڕەنگە بە شێوەیەکی ڕاستەوخۆ یان ناڕاستەوخۆ، بە تەواوی یان بەشێکی، لە ئەنجامی بەشداریکردنی بەشداربوو لە برەودانەکەدا بێت. هەروەها بەشداربوو ڕازی دەبێت کە لە هەر حاڵەتێکی ئیجرائاتدا، بەرپرسیارێتی کۆمپانیاکان سنووردار دەبێت بە تێچووی چوونەژوورەوە و بەشداریکردن لە برەودانەکەدا و لە هیچ حاڵەتێکدا کۆمپانیاکان بەرپرسیار نابن لە دابینکردنی خەرجی پارێزەر. بەشداربوو دەستبەرداری مافی داوای هەر زیانێک دەبێت، لەوانەش، بەڵام سنووردار نییە بە: زیانەکانی سزادان، دەرئەنجام، ڕاستەوخۆ، یان ناڕاستەوخۆ. ئەگەر برەودانەکە بە هۆی هەر هۆکارێک وەستابێت، سپۆنسەر بە ویست و بڕیاری خۆی دەتوانێت تیروپشکێکی هەڕەمەکی لە نێوان هەموو ئەو بەشدارییە شایستانەدا ئەنجام بدات کە تا بەرواری وەستاندنی برەودانەکە وەرگیراون بۆ هەر خەڵاتێک کە لێرەدا پێشکەش دەکرێت. زیاتر لە ژمارەی دیاریکراوی خەڵاتەکان نابەخشرێت. لە ئەگەری ئەوەی کە بەرهەمهێنان، تەکنیکی، دانان، بەرنامەسازی یان هەر هۆکارێکی تر ببێتە هۆی ئەوەی زیاتر لە ژمارەی دیاریکراوی خەڵاتەکان وەک لێرەدا هاتووە بەردەست بن و/یان داوا بکرێن، سپۆنسەر مافی خۆیەتی تەنها ژمارەی دیاریکراوی خەڵاتەکان بە شێوەیەکی هەڕەمەکی ببەخشێت لە نێوان هەموو داواکارییەکانی خەڵاتی یاسایی و نەبەخشراو و شایستەدا.
12. ناکۆکییەکان: بەشداربوو ڕەزامەندی لەسەر ئەوە دەدات کە: (a) هەریەک و هەموو ناکۆکی و داواکاری و هۆکارەکانی ئەو کارەی کە لەم برەودانەدا یان هەر خەڵاتێکدا دێنە ئاراوە یان هەر خەڵاتێک کە دەدرێت بەجیا و تاکانە چارەسەر دەکرێت، بەبێ ئەوەی پەنا بۆ هیچ جۆرە کارێکی چینایەتی ببەن، و بە تایبەتی لەلایەن دادگاکانی دوبەی؛ و (b) تێچووی هەر داواکارییەک، بڕیارێک و خەڵاتێک سنووردار دەکرێن بە تێچووی ڕاستەقینەی خەرجی دراو، لەوانەش تێچووی پەیوەست بە بەشداریکردن لە هەر برەودانێک، بەڵام نەک لە حاڵەتی خەرجی پارێزەران. هەموو ئەو پرسیارانەی تایبەتن بە بنیات، ڕەوایی، لێکدانەوە و جێبەجێکردنی ئەم ڕێسا فەرمیانە، یان ماف و ئەرکەکانی بەشداربوو و سپۆنسەر/کارگێڕ سەبارەت بە برەودانەکە، بەپێی یاسا فیدراڵیەکانی ئیماراتی یەکگرتووی عەرەبی مامەڵەیان لەگەڵ دەکرێت و لێکدەدرێنەوە، بەبێ ئەوەی هیچ هەڵبژاردنێکی یاسا یان ڕێساکانی ناکۆکی یاسا (چ ئیماراتی یەکگرتووی عەرەبی یان هەر دەسەڵاتێکی دادوەری دیکە) جێبەجێ بکات، کە ببێتە هۆی جێبەجێکردنی یاساکانی هەر دەسەڵاتێکی دادوەری جگە لە یاسا فیدراڵیەکانی ئیماراتی یەکگرتووی عەرەبی.