रीतिमा राक्यान
उपाध्यक्ष, फ्रान्चाइज सञ्चालन – SWA कोका-कोला भारत तथा दक्षिण पश्चिम एसिया
रीतिमा राक्यान कोका-कोलामा दक्षिण पश्चिम एशिया (SWA) को लागि उपाध्यक्ष हुनुहुन्छ। उहाँको हालको भूमिकामा, उहाँ बंगलादेश, नेपाल, श्रीलंका, माल्दिभ्स र भुटान लगायत दक्षिण पश्चिम एशियाली देशहरूको लागि फ्रान्चाइज अपरेशनको नेतृत्व गर्नुहुन्छ। उहाँ सन् 2013 देखि कम्पनीसँग जोडिनुभएको छ। कोका-कोला कम्पनीसँग आफ्नो करियरको आठ वर्ष बिताउनुभएको, रीतिमाले आफ्नो यात्रा क्षेत्रीय मार्केटिङ प्रबन्धकको रूपमा सुरु गर्नुभयो र भारतको दक्षिण र मध्य भागका लागि कोका-कोला भारत र कम्पनीको स्वामित्वमा रहेको बोटलिङ संस्थाहरूबीचको महत्वपूर्ण कड़ीको रूपमा काम गर्न टोलीहरूको नेतृत्व गर्नुभयो।
कोका-कोला भारत व्यावसायिक इकाइसँगको सात वर्षको अवधिमा, उहाँलाई धेरै अवसर र अनुभवहरू सुम्पिइएको छ - एक क्षेत्रीय मार्केटिङ प्रबन्धकको रूपमा दक्षिण र पश्चिम भारतका BIG बजारहरूलाई टेवा पुर्याउँदै राष्ट्रिय ग्राहक व्यवसायको नेतृत्व देखि लिएर कम्पनीको इन्क्युबेशन व्यवसायिक मोडेलको नेतृत्व।
उहाँ भारतबाट एटलान्टामा वुमन इन लिडरसिप कार्यक्रमका लागि मनोनित हुनुभएको थियो। यसका अतरिक्त, उहाँ APAC प्रतिभा कार्यक्रमको हिस्सा, INSWA विविधता तथा समावेशी काउन्सिलको सदस्य, APAC विविधता सहयोगी मेन्टरशिप कार्यक्रमको हिस्सा, BIG बाट आफ्ना साथीहरूसँगै बोटलिंग बिजनेस स्कूल कार्यक्रमको लागि मनोनित हुनुहुन्थ्यो; साथै Above & Beyond People Manager को लागी व्यावसायिक इकाई अध्यक्ष पुरस्कारद्वारा सम्मान प्राप्त गर्नुभएको छ।
उहाँको नेतृत्व यात्रा सन् 2018 देखि भारत प्रणालीमा पिरामिडको तल्लो तहका लागि सुपथ मूल्यको पेय पदार्थहरूको पोर्टफोलियोको विकास गर्न दह्रिलो एन्ड टु एन्ड व्यावसायिक मोडेल तयार गर्ने उद्देश्य सुरु भएको थियो। उक्त पोर्टफोलियोमा जुस, परिष्कृत हाइड्रेशन, र दुग्धजन्य उत्पादनहरू समावेश थियो; जसका लागि सम्पूर्ण देशको टोल उत्पादकहरू र वितरण साझेदारहरूको नेटवर्क सिर्जना गर्नुका साथै मुख्य बजारहरूमा उपभोक्ता टचपोइन्टहरू निर्माण गर्ने देखि लिएर मिडिया लगानी र जमीन स्तरको सक्रियता मार्फत ब्रान्ड जागरूकता ल्याउने र परीक्षणहरू गर्ने कार्य गर्दै गो-टु-मार्केट रणनीति बनाउने र कार्यान्वयन गर्ने समावेश छन्।
त्यसपछि उहाँले 2015 मा कोका-कोला भारतको राष्ट्रिय प्रमुख लेखा निर्देशकको रूपमा पदभार ग्रहण गर्नुभयो जहाँ उहाँले ग्राहकहरूसँग राजस्व, साझेदारी र मुनाफा विकासमा वृद्धि गर्नुभयो। कम्पनीप्रतिको उहाँको प्रतिबद्धताले उहाँलाई त्यसपछि निर्देशक – वैकल्पिक राजस्व च्यानल, र उपाध्यक्ष - ग्राहक र वैकल्पिक राजस्व प्रवाहहरूको भूमिकाहरूमा विकसित हुन मद्दत गर्यो जहाँ उहाँले आन्तरिक र बाह्य सरोकारवालाहरूसँगको साझेदारीमा वैकल्पिक राजस्व प्रवाह च्यानलहरूको लागि रोडम्याप सिर्जना गर्न महत्वपूर्ण भूमिका खेल्नुभएको थियो।
अठार वर्षभन्दा बढीको अनुभवको साथमा, रीतिमाले CPG/FMCG, बैंकिङ र रिटेलको क्षेत्रमा काम गर्दै मानिसहरूको विकास, साझेदार व्यवस्थापन र च्यानल मार्केटिङ जस्ता कार्यहरूमा विशेषज्ञता प्राप्त गर्नुभएको छ। कोका-कोलामा काम गर्नुअघि, रीतिमाले मारिको, सिटीबैंक र पिडिलाईट जस्ता प्रतिष्ठित कम्पनीहरूसँग काम गर्नुभएको छ।
उहाँले सिम्बियोसिस इन्स्टिच्युट अफ इन्टरनेशनल बिजनेसबाट MBA र सिम्बियोसिस कलेज अफ कमर्सबाट स्नातक गर्नुभएको छ।
यात्रा गर्ने, पौडी खेल्ने, स्पिनिङ, साइकल चलाउने, साहसिक खेलहरू - स्काई डाइभिङ, स्कुबा डाइभिङ, जेट स्कीइङ, स्नोमोबिलिङ गर्ने उहाँको शौकहरू हुन्।